बीड प्रतिनिधी l बीड जिल्हयातील कायदा आणि सुव्यवस्था अबादित रहावी यासाठी बीड जिल्ह्याचे पोलीस अधीक्षक नवनीत काँवत यांनी शर्थीचे प्रयत्न चालवले आहेत. बीड जिल्हयातील गुन्हेगारीचे व गुंडगिरीचे समूळ उच्चाटन करण्याचा उदात्त दृष्टीकोन डोळ्यासमोर ठेवून MCOCA व MPDA व कलम 55.56.57 मकोका अन्वये बऱ्याच गुन्हेगारांवर व गुंडावर कार्यवाही करण्याचा धडाका बीड जिल्हाचे पोलीस अधीक्षक यांच्या मार्गदर्शनाखाली बीड पोलीसांनी सुरु ठेवून कारवाया सुरु केल्या आहेत.
जनतेच्या जिविताचे व मालमत्तेचे रक्षण करण्यासाठी जिल्हयात चोऱ्या, दरोडे, घरफोडया, खून, खुनाचा प्रयत्न, दरोडयाची तयारी, बलात्कार, जुलुमाने घेणे, पळवून नेणे, खंडणी मागणे या व अशा गंभीर स्वरुपाचे गुन्हे करणाऱ्या गुन्हेगाराविरुद्ध ठोस कारवाई करण्यासाठी बीड जिल्हयातील पोलीस जिल्हयातील व जिल्हाचे बाहेरील गुन्हेगारावर करडी नजर ठेऊन आहेत.
दिनांक 13/12/2024 रोजी फिर्यादीचे नाव अभिषेक विश्वास डोंगरे बरा 25 वर्षे व्यवसाय शिक्षण रा. प्रकाश आंबेडकर नगर, बीड यांनी फिर्याद दिली की, दिनांक 12/12/2024 ते 13/12/2024 चे रात्री 02.00 वा.सु. मी व माझे कुटुंबीय घरात झोपलो असतांना आरोपीचे नाव अक्षय शामराव आठवले व इतर 05 जणांनी माझ्या घरासमोर येऊन माझे घराचे दरवाजा व खिडकीवर गोळीबार केला. तेव्हा माझे वडील विश्वास डोंगरे यांनी उठुन दरवाजा उघडला असता त्यांचेवर फ्लॉटच्या जुन्या भांडणाच्या कारणावरुन 2-3 राऊंड वडीलांच्या दिशेने फायर केले त्यात माझे वडील गंभीर जखमी झाले व माझी चलुती उषा हीचे डोक्याला पिस्तल ठेऊन तुझी पोर कुठ आहेत सांग नाहीतर तुला जिवे करुन टाकीन अशी धमकी दिली, वगैर मजकुराच्या फिर्यादी वरुन सदरचा गुन्हा दाखल करण्यात आला.
सदर गुन्हयाचा प्रथम दर्शनी तपास पोनि.अशोक मुदीराज पो.स्टे. पेठ बीड व त्यानंतर पो.नि. उस्मान शेख, स्वागुशा बीड यांनी केला आहे.
सदर गुन्हयाच्या तपासात स्थानिक गुन्हे शाखेच्या टीमने बारकाईने शोध घेऊन सदर गुन्हयातील आरोपीचे नाव अक्षय शामराव आठवले वय 28 रा. मंत्री कॉलनी, माळीवेस, बीड 2. मनिष ऊर्फ प्रतिक प्रकाश क्षीरसागर वय 25 रा. स्वराज नगर बीड 3. ओंकार सिध्दार्थ सवई वय 25 रा. स्नेह नगर, बीड यांना दिनांक 19/12/2024 रोजी 13.28 वा. अटक करुन गुन्ह्यात वापरलेली बर्गमैन स्कूटी व पिस्टल (गावठीकट्टा) जप्त केला आहे. तसेच 4. प्रसाद मोतीराम धिवार यास दिनांक 13/12/2024 रोजी 11.52 वा. अटक केले आहे. सदर गुन्हा हा एकुण सहा आरोपींनी केला असल्याचे तपासात उघड झाले.
तसेच सदर टोळी ने आज पावेतो संघटीतरीत्या बीड व इतर जिल्ह्यात 19 पेक्षा जास्त गुन्हे केल्याचे निष्पन्न झाले आहे. ज्यात खुनाचा प्रयत्न करणे, दरोडा टाकणे, जबरीचोरी करणे, अवैधशसत्र (गावठीकट्टा) बाळगण, अवैधरीत्या अग्नीशस्त्रांची विक्री करणे, गदी मारामारी करणे, अग्नीशस्त्रे चालविणे, पोलीसांच्या कायदेशीर रखवालीतून जिवघेणा हल्ला करून पळून जाणे, सरकारी कामात अडथळा आणने, खंडणी मागणे या सारखे गंभीरस्वरुपाचे गुन्हे दाखल आहेत. प्रस्तावात 19 गुन्हे विचारात घेण्यात आले. त्यापैकी 16 गुन्हयांची दखल न्यायालयाने घेतलेली असुन 03 गुन्हे पोलीस तपासावर आहेत. सदर टोळीने हा गुन्हा करण्यापूवो पो.स्टे. शिवाजीनगर, बीड ग्रामीण, केज, पेठ बीड आणि बीड शहर हद्दीत गुन्हे केले आहेत, बीड जिल्हा पोलीस अधीक्षकांच्या सूचने वरुन सदर प्रकरणांत तपासी अधिकारी पोनि उस्मान शेख, स्वागुशा, बीड यांनी अपर पोलीस अधीक्षक बीड यांचे मार्गदर्शनाखाली सदर टोळी विरुध्द मोक्का कायद्या अंतर्गत प्रस्ताव तयार करुन दिनांक 18/01/2025 रोजी पोलीस अधीक्षकांना सादर केला होता. पोलीस अधिक्षक, नवनीत काँवत यांनी सदर प्रस्तावाचे अवलोकन करुन दिनांक 23/01/2025 रोजी प्रस्ताव आपले शिफारशी सह मा. विशेष पोलीस महानिरीक्षक, छत्रपती संभाजीनगर परिक्षेत्र छत्रपती संभाजीनगर यांना सादर केला होता.
दिनांक 27/01/2025 रोजी छत्रपती संभाजीनगर परिक्षेत्राचे विशेष पोलीस महानिरीक्षक विरेंद्र मिश्र यांनी सदर प्रस्तावाचे अवलोकन करुन नमूद संदभीय गुन्हयांत महाराष्ट्र संघटित गुन्हेगारी नियंत्रण अधिनियम 1999 मधील कलमांचा अंतर्भाव करण्याची परवानगी दिल्याने पोलीस अधीक्षक बीड यांनी सदर प्रकरणांचा पुढील तपास विश्वंभर गोल्डे, उपविभागीय पोलीस अधिकारी, बीड यांचेकडे दिला आहे व मोक्का कायदयाचे कलम 3(1)(ii), 3(2),3(4) समाविष्ठ करणे बाबत आदेशीत केले आहे.
त्यावरुन उपविभागीय पोलीस अधिकारी बीड हे सदर गुन्हयांचा पुढील तपास करीत आहेत. सदर प्रकरणांत चार आरोपी अटक असुन दोन फरार आहे पोलीस त्याच्या शोधात आहेत.
सदरची कामगिरी ही पोलीस अधीक्षक नवनीत काँवत, अपर पोलीस अधीक्षक सचिन पांडकर, उपविभागीय पोलीस अधिकारी विश्वंभर गोल्डे बोड, पोलीस निरीक्षक उस्मान शेख, स्थागुशा बीड, पोनि अशोक मुदीराज, पोउपनि मुरकुटे, विघ्ने तसेच सपोउपनि अभिमन्यु औताडे, पि.टीचव्हाण, पोह/मनोज वाघ, विकास वाघमारे, राहुल शिंदे, निलेश ठाकुर, विभीषण चव्हाण स्थागुशा बीड, पोह सुभाष मोठे, पो.स्टे. पेठ बीड यांनी केली आहे. भविष्यातही शरीराविरुध्दचे व मालाविरुध्दचे गुन्हे करणाऱ्या सराईत गुन्हेगार व गुन्हेगारांच्या टोळयावर व कायद्याला न जुमानणाऱ्या व्यक्ती विरुध्द मोक्का व एम.पी.डी.ए. कायदयाअंतर्गत कठोर कारवाई करण्याचे संकेत पोलीस अधीक्षक नवनीत काँवत यांनी दिले आहेत.
